في وجهها خلطة 00 وما صنعنا شطة

حمودي الولهان الأربعاء أبريل 16, 2008 2:47 am

لا أنت أخوي لا لعبت ببنت حوه
وتقط فراغ دينك لها في الشنطـه
مسلمه عفيفه رقيقة فـي الخطـوه
لا تضيعها بطيشك وتقول غلطـه
ياخي تزوج أربع والله أنها أشـوه
وأن كنت رجل نشاطك فيهم حطه
البنت حشمها بدين ودينـك أروه
ولو فيك عيـب بـالأدب غطـه
أمك وأختك ما قد أهديتهم ورده
والهدياء للبنات والهدف في الخطه
البنت مسكينه وسكينك لها شهوه
تفكر بس كيف تفترسهـا بقلطـه
تحسبك أمين وفيك حياة السلـوه
وقلبك خبيث لا شبع منها قطـه
وشلون حياتك وأنت بليتها ببلوه
خاف ربك قبل ما تخاف الشرطـه
بنات اليوم بعضهم ما تبي غطـوه
تبي الكل يشوف في وجهها خلطه
تحسب جمالها بياض والعقل رغـوه
ما درت بفتنتها مصيرهـا زقطـه
من شباب يبيعونها وخلوها شـروه
كأنها دجاجـه وأن غلوهـا بطـه
الرجوله ماهي صيدات يـا نخـوه
تجيك بنت بكره تستقبلهم بنطـه
خلك ذيب بالشهامه لاتكون هقوه
وتكشخ وأنت ماتمشي ألا بقطـه
تسلح بالعلم لا تقول باقـي تـوه
الغرب دمرونا وماصنعنـا شطـه
أشغلونا تقنيات وتقنيتنـا النقـوه
أوقاتنا تضيع وأيدينا لهـا فرطـه
هذي الحياه أفهمها تكون حلـوه
وكل من حولـك بالخيـر أعطـه
أشتكي لله و لوحده كل شكـوه
من عقول برذيله صابهـا جلطـه