ذكرياتك في عيوني .. (جديدي)

على شط البحر تطري ذكرى أيامن غدن ..
مع الحبيب اللي غيابه وحضرته عندي كسود ..
شيء واجد في عيوني يذكره شوق وشجن ..
ذكرياته في عيوني لونهـــا لـــون الورود ..
كلما حسيت ذوقه أرجع بوقــــت وزمــــــن ..
يطري حسنه في خيالي محبته فيني تزود ..
كثرة مشاوير الألـــم صابها هـــم و حــــزن ..
ضعت في ليله حبيبي عيني تتمنى يعود ..
صرت أقاوم هالدموع أنهد حيلي والبدن ..
غاب عن قلبي ثواني صاحت أطراف الحدود ..
وش حيلة القلب المعنى يدفع لغيره ثـــمن ..
منهو فينا ما يضحي منهو فينا ما يجود ..
المحبة تبغى نعطي وأنتا تعطي ثم تمن ..
كل شيء وله مقابل ولا تبعد ما تفــــود ..
حسبي الله يا أناني غرك أوصاف الحسن ..
صرت تتباهي بجمالك عشنا وياك بصدود ..
لأجل حبـــــك يا حياتي ذقت مرك والغبن ..
كثرة احزاني بدونك نار قلبك في برود ..
تايهن بين الشوارع عافت خطاي المدن ..
كلي حيره كلي خوف سارحن فكري شرود ..
كنت هايم في عيونك كنت أحتاجك وطن ..
ورحنا غلطه يا حياتي وأنقفل حبي بقيود ..
كم صرخت بقول شعري وكم تغنيت بلحن ..
ما فادني كثر الكلام ولا لقيت حتى الردود ..
عن حياتك راح أروح أنسى أني من ضمن ..
ناسن تبيع الكرامه وقتها غــــــل وجحود ..
ودرسي آنا اللي فهمته مدفع لغيري الثمن ..
حتى لو زينه يوازي كل غزال بهالوجود ..
ألا الكرامه يا حبيبي هي رصيدي بهالزمن ..
عند حدك يا حبيبي وقف وأنسى العهود